八八八拉麵~

星期日,去tst行街,想搵平lunch,見到喱間拉麵幾平,純粹醫肚入去食。

個場係落地庫,有方枱的,我地坐方枱呀。

拉麵午餐,$46,揀左一個拉麵+迷你鰻魚飯。

醬油叉燒拉麵+迷你鰻魚飯,感覺上份量好多。

醬油叉燒拉麵,個湯底普通,叉燒兩塊,都幾厚,不過味道一般,拉麵份量好少,反而配料牙菜、荀及蔥就好多,雖然份量係少左點,不過個套餐係拉麵+飯,少點又合理呀。

迷你鰻魚飯,有甜蛋絲撈飯食,唔錯,鰻魚味道普通呀。

吉烈蠔,$15,2件,賣相已知咩事,好細粒,唔多新鮮呀。

凍綠茶,太淡。

綜合來講味道普通,不過夠平,抵食既。


尖沙咀金馬倫道57-59號金馬倫中心地庫