圓方丼丼屋本店~

期待以久的二人飯局,難得二人聚舊,想食好點點,去試丼丼屋,丼丼屋食堂有不少分店,而丼丼屋本店,就只有一間,據聞是得獎熱店,比較好食,價錢亦比較貴,不理是本店還是食堂,只要是在圓方,以知道價錢上一定有差異了。圓方去過好幾次,比我的感覺就是靜,星期一的7點,成個場的食市都靜,唯獨丼丼屋不同,人多仲要等位,不過都好快,10-15分鐘有位了。

坐吧位,因為是二人,也方便傾計,而且吧位更有日本的感覺。

精美的碗。

來到就想食魚生丼,牛丼也很吸引,但魚生更正,要了三文魚親子丼,加$20可轉套餐,有前菜、沙律及麵豉湯。

三文魚親子丼套餐,好豐富。

麵豉湯。

漬物,好酸,但爽口。

凍豆腐,又滑又軟,配上日式芝麻醬更滋味呀。

色彩繽紛的沙律,新鮮又健康。

主角出場了,三文魚親子丼,切成方粒的三文魚和晶瑩剔透的三文魚子滿佈飯上,份量豐富,厚身的三文魚味道鮮美,最難得食到有三文魚子係唔腥,仲要味道甘鮮,鹹鹹地,不過因為太多魚子,食食下有點偏鹹同漏,

飯是秋田小町米,並不太熟識,只係memu有介紹就睇下,大大粒米,口感軟滑,唔錯。

成個餐大約$175,偏貴,但味道不錯,又豐富,感覺上新鮮喱。試過丼丼屋本店,就想試埋丼丼屋食堂,據聞水準差好遠,想知咩回事呀。

尖沙咀柯士甸道西1號圓方(Elements)2樓2103-04舖