蘭香茶餐廳~

上完堂5:00,仲有時間去食個tea,本原來想去荃新天地睇下有咩食,但經過蘭香竟然冇人排隊?!!咁難得就衝左入去食了,成日聽人講個多士好食,太好了有機會試下呀。

老牌餐廳老牌格局,長身設計全部都係卡位,我覺得好正呀,因為一向都好鐘意坐卡位,自成一角有私人空間。

雖然係5點,不過都仲有抵食午餐,$28,有牛油多士、火腿煎雙蛋、叉燒會意粉and咖啡或茶,嘩!睇落份量好多呀。

熱奶茶,唔係想像中咁出眾,味道較淡,唔重奶味。

牛油多士,厚多士,都真係幾好食。

火腿煎雙蛋,蛋邊都幾燶,有點油,不過個蛋黃脹卜卜,食落好多蛋汁,幾滿足,火腿太少了,得兩小塊‧

叉燒會意粉,好少可唔係湯意粉,都幾特別呀,食落茄汁味濃,意粉較為粗身同入晒味,口質同味道都唔錯,叉燒份量較少,全是瘦叉,味道ok。

個杯裡有小克等公仔,即勾起之前換黑白淡奶杯的活動,唔知幾時會再有喱?

又試多一間特式野,唔知有冇機試晒荃灣其他有特式既食肆喱?不過到而加都仲未挑戰到嘉樂呀,太多人排隊了~~~~~~~~~!

 荃灣新村街36號地下