荃灣古法烘焙~

講起好食雞蛋仔,就會想起大坑雞蛋仔伯伯及大奧炭燒雞蛋仔,不過前者好隨緣,後者又大遠。近近地又穩定就有北角雞蛋仔,大大底幾好味。論多款口味雞蛋仔,好多小食店出過,芝士、朱古力、香芋等...通通都劣評如潮...味道太怪了。近日上網又發現到一間,多款口味的雞蛋仔, 但喱次相反,好多個笑臉,好奇有幾好食之下試了。 

表面上是普通中式餅店,唔知會有雞蛋仔出現。

有5款口味選擇,原味、朱古力、玉桂提子、花生及薄荷,薄荷係最多人推介,玉桂提子都好特式,不過穩陣之下要了朱古力味。

朱古力雞蛋仔,$17,熱辣辣,size比一般既雞蛋仔細粒,成底滿佈朱古力粒,食落又唔多覺有朱古力味,好淡,雞蛋仔亦唔係特別軟綿綿同好食,只係普通呀。

未試過其他口味唔敢下定論,不過朱古力味就一般,可能真係要薄荷味先出眾呀。


荃灣楊屋道1號荃新天地G31號舖