2011年9月26日 星期一

大埔文薈館餐廳~

同yan and yin去大埔食晚飯,之後立過眼喱間d野食好似唔錯,又唔算太貴,重點係有鵝肝食,於是就來試下了~!



入面以白色為主,環境都好大,因為門面有少少燈光,加上喱個圈位之下...感覺有點似婚宴.........!

地板同天板花比較簡陋之下...設計變得遜色~!

再入少少,就冇乜紫色燈光既,比較舒服d,平日7點幾時段,比較少人,之後就越來越多人~!



是日set dinner,好多選揀呀~!



蒜蓉包,味道普通,如果係餐包既話都更加好~!

羅宋湯,ok啦~!

意式茄子焗肉醬千層麵~好大碟,賣相都幾吸引~!

好多肉醬,味道濃郁,茄子夠林又入味,千層麵較濕潤同煙韌,一層材料一層闊麵既層次口感好豐富,好滿足,雖然未到好好食,不過都ok~!

松露野菌意大利飯伴法國鵝肝~又係為鵝肝而來,個鵝肝麻麻地...個面燶左d,做唔到脆既效果,同太多油,白汁好多,浸住d飯咁,味道的確係濃郁唔錯,不過太多汁之下漏多少少,喱個意大利飯偏軟身,如果硬返少少會好d,整體味道其實ok,只係偏差少少少~!

想食埋甜品叫左個心太軟,個外表烈烈地~!

濃郁既朱古力味~唔錯呀~!

原來個"廚師推介個set有埋甜品送的,不過個甜品冇得揀既,送左喱個肉桂蘋果批,味道都唔錯,不過係個批有少少乾~!
綜合來講環境同野食都係普通,不過價錢合理,一個set 2個女仔share都得,因為真係好大碟~!
大埔舊墟直街4-20號美新大廈地下B2舖

沒有留言:

張貼留言