2011年6月3日 星期五

尖沙咀沛公甜品~

同田會長一齊去試新野,行過見到喱間甜品都唔錯,於是就去試下了~!



個logo好似雞蛋呀~!

因為人多要等,等梗時順便睇下d甜品,睇落幾吸引wo~!

哩個蛋糕整得好靚呀,好欣賞用芒果整出來既玫瑰花,but個價值都不菲~!

入面以青綠色同白色為主,感覺上太青了,對眼有點唔舒服~!

叫左雲中落日(芒果餡),即係芒果腸粉($26),同曲奇千層班戟($20)~!

芒果腸粉,個賣相一般,味道亦好普通,個皮整太厚,芒果切得細粒食落有點散,加上又酸酸地之下,麻麻地~!

曲奇千層班戟,最想試佢既千層呀,可惜冇晒日本青梅個味,只好試喱個,個賣相唔錯,睇落好似係幾巧功夫整既甜品,不過食落就一般,好甜同比較漏~!
綜合來講一般,不過喱次試唔到最想試既榴槤同日本青梅千層,so有機會再多次呀~!
尖沙咀寶勒巷1號玫瑰大廈地下E舖



又係隨意景~
叮叮就快加價,不過新叮叮都只係見過幾次....多左廣播(到站)同顯示屏(測試中),坐位硬正左不是膠椅(or藤),位置有少少變左,不過唔知點解都係鐘意平時既叮叮多點~!

沒有留言:

張貼留言