九龍城金寶甜品~

同yan and yin去九龍城食飯,飯後又食甜品呀,睇openrice介紹喱間芭菲,個賣相太吸引了,so就來喱到一試呀~!

舖面放出來既"模型",果時只係覺得靚.....但係冇留意到一樣野.....就係個大細....!

入到去,果時係八點幾到,九龍城既平日,so冇乜人,唔知再夜點同假日會唔會好多人喱?因為唔多人之下,坐位可以任揀呀~!

個場係長方形的,日本西餐廳既設計,都唔錯~!

屏風後既係大枱,一大班人時可以自成一角,free d 呀~!

最入就係水吧位了,果個位比較有日本feel la~!

我好耐冇睇過喱個街坊街理~!

除左芭菲,仲有其他甜品,賣相都係好吸引呀~!

必食當然係芭菲,唔知叫邊款好,揀揀下都係要左推介果d了~!

d芭菲有得揀咩味既雪糕,來到就試d特別d既,因為我地叫左兩杯芭菲,so有兩款雪糕揀,要左乳酸味 and 芝士味呀~!

紐約芝士蛋糕芭菲,$42,個賣相的確係好靚,不過其實係好細杯的...本身以為大杯呀~!

喱杯我地配左乳酪味雪糕,個乳酪味雪糕唔錯,好濃厚既乳酪味,幾正,芝士cake雖然口感軟滑,不過味道普通,清酒車厘子汁(醬)...唔多覺有酒味...食到底層係cream and 粟米片,整體來講味道普通~!

心太軟芭菲,$52,又係細細杯,個賣相幾特別,可能小見有心太軟既芭菲~!

因為係心太軟,趁"熱"食,拮落去係唔爆漿既...只係杰杰地既朱古力醬而已,味道雖然都係濃郁既朱古力味...不過冇朱古力漿流出來....冇心太軟既感覺......!

個底係芝士味雪糕同生果粒粒,生果主要係士多啤梨,酸酸地...而芝士味雪糕因為好奇之下而試既,的確有少少芝士味,不過因為係雪糕之下,so 感覺怪怪地,唔多好食呀~!

綜合來講賣相靚,味道一般,同偏貴,環境方便都幾靚,同坐得幾舒服,服務態度亦唔錯,夏日炎炎之下食個甜品係到hea下都ok既~!

九龍城打鼓嶺道38號地下