尖沙咀自家烏冬~

星期三,同田會長又試新野了,喱次係"愛.日本料理優惠"既最後一擊,揀左自家烏冬(本身想食其他不過好多都full晒了...),自家烏冬雖然之前都食過,不過果時係食定食,今次就真係食烏冬了~!

原來喱間係總店來的,去到時係八點到,不過又冇乜人...好似有優惠的日本食市多數都係冇乜人既店...!

我叫優惠價果個蕃茄牛肉湯烏冬,原價$38,半價$19,都幾抵,同叫下其他小食~!

蕃茄牛肉湯烏冬,個蕃茄湯底味道一般,唔係好似蕃茄味同有點稀,烏冬就真係唔錯,口感滑又煙韌,牛肉就係好普通既肥牛~!

田會長叫的~自家冷烏冬~好似係招牌貨,讚歧烏冬,果然係唔錯呀,比起湯烏冬,更加食得出烏冬既其味,入口更滑溜,食落口感煙韌有少少彈牙,配上冷麵汁之下更加好味~!

燒玉子,又係會長叫的,個面層硬硬地,玉子唔算好甜,普通啦~!

煙肉芝士焗廣島蠔,個賣相好似薯蓉呀,差點以為佢比錯~!

d芝士唔多似同d蠔扯上關係...面層係煙肉芝士,底層係蠔(芝士還芝士..蠔還蠔...)層次分明到咁...食落芝士味偏淡,d蠔似罐頭蠔既feel...唔多新鮮呀....!

基本上都係普通,烏冬雖然未到話好好食,不過都唔錯,本身唔係太鍾意食烏冬既...因為食過有d烏冬係比較粗身,食食下好似糊狀同黏牙...@@"..之後就唔like了...不過喱個又ok呀冇喱d情況haaaaaaa~而小食方便就差點了,服務態度都ok呀~!

尖沙咀赫德道6號好德商業大廈地舖