同yan and yin去九龍城食飯,聽講喱到既牛肉餅好出名,於是慕名而來一試,去到時好早,差唔多7點到,不過已經見到門口有人等位,以為要等呀,不過因為岩好有3人位so唔洗等就入去了~!
時間咁早都已經有咁多人幫襯,仲要係平日來既,太勁了,個場唔算好大,坐得都幾迫~!
好多名星來食過,唔通又係名星效應~?!!
除左牛肉餅之外,當然睇下仲有d咩野食啦~!
見到有套餐,決定叫餐食,叫左個二人套餐:
咖喱牛/羊/雞 + 麻油雞 + 清炒時菜 + 馳名牛肉餅二只($168),另外叫多一個牛肉餅($12)+一碗白飯($8)~!
馳名牛肉餅~!
熱辣辣既牛肉餅,餅皮薄而香脆,牛肉餡好有份量,食落口感鬆化味道香濃又惹味,仲要有好多肉汁,一咬落去就"必"晒d牛肉汁出來,好正呀~~~~~!
咖喱羊腩,咖喱面層係辣油,少少辣,幾好味呀,專登叫左個白飯撈咖喱汁食ha~羊腩夠腍又入味,不過係蘇左少少~!
麻油雞,麻醬味香,肉質唔算好滑不過都ok,唔錯呀~!
清炒時菜,跟餐有的,本身唔想叫,不過食左咁多肉同濃味既,食返d菜都好,均衡d嘛~!
基本上冇乜幾可去九龍城...如果去到,真係必試牛肉餅呀,好味,其他既小菜都ok~!
九龍城龍崗道 1 號
沒有留言:
張貼留言