旺角民華餐廳~

係openrice到睇到好多好評,於是就來試下呀,佢個常餐最出名,亦都係點心食既,既有茶餐廳食既野又有茶樓食既野,真係幾多選擇呀,放工夜晚去食,果然係好多人,等左大約半個鐘到(其實都唔確定有冇咁多)先入去~!

我地坐卡位,本身都幾鍾意坐卡位,不過實在係有點窄,坐得唔係太舒服呀,張枱已係餐牌,見到有好多點心呀,好想食,不過怕好飽之下都係食左常餐先呀~!

好方便,雖然而加好多地方都係咁~!

熱奶茶,個人覺得比較重奶味,唔算太香滑,普通啦,同得個杯又冇杯碟之下有少少扇...好驚打爛呀haaaaaaaaaaaa!

多士+炒蛋+火腿必食,個蛋唔算太滑不過都ok既,多士燶左少少呀~!

蕃茄豬膶麵,個蕃茄湯底好濃同好杰,濃得來偏酸同有點似係蕃茄湯,而d麵唔知點解好索水呀,越食越淡味又淋.....豬膶得好少,味道普通啦~!

蕃茄牛肉麵,個狀況又係同我差唔多d麵好索水,又係牛肉好少不過好味過豬膶呀,可能茄牛個味夾d呀~!

蕃茄牛肉通粉,喱個一睇到即有d怒,份量真係好少呀,都唔知係本身咁少定點,又唔係好味過人呀.....!

綜合來講只係得個出名,出名在個常餐似澳牛又似勝香園,不過味道好普通,價錢方面都係ok價啦,雖然個常餐一般,不過唔知點心係點好唔好味,太飽之下食唔到呀,so下次會去多次試下點心先haaaaaaaa~~~~~~~~~~~!