峰壽司~

同桂去峰壽司到食,好耐冇食過呀,喱次係去沙田果間,峰壽司次次都要排隊既重要係好長龍,喱次都唔例外要排,以為要排好耐呀,不過因為前面好多一班都未齊人之下,我地可以好快入去先了~!

即睇有咩食呀~!

峰玉子,必食既,玉子好大件同厚幾好味~!

吉列蠔壽司,好鍾意食蠔呀,所以必叫來食,吉列蠔都幾新鮮,唔錯呀~!

帶子又係必食,雖然貴左點,不過太想食豪一次呀,件帶子都幾新鮮,好味呀~!

峰蝦,食落都幾鮮甜,唔錯呀~!

銀聖鮭壽司,好似係期間限定來,上前既醬唔知係咩來,食落個口感有點似XO醬,幾特別~!

蟹棒,都幾大件呀,雖然賣相似蟹柳不過食落唔似既,都唔錯~!

北海盛,有海膽,三文魚子,葱粒吞拿魚腩,海膽好好味呀同幾新鮮,葱粒吞拿魚腩又係好好味,係三文魚子腥左少少少呀~!

沙田沙田正街18號新城市廣場三期3樓