尖沙咀好時沙嗲~

同tomo去食好時沙嗲,之前已經好想去好耐,因為幾出名好食,再加上推介之下更加想去呀,去到時8:30到,好驚會冇位or要等,點知又唔洗呀,好快有得入去了,個店分開左兩個位置的(左面一間,右面一間,中間係走廊來的),基本上邊個位置都冇所謂,有位就得啦~!

可能係平日之下,仲有位剩呀,少人點~!

即睇下有咩食先,雖然得兩個人,不過都叫左好多野食呀,因為有點太想試,有d又係必食野,叫左先算了~!

等食中,好快上菜了,haaaaaaaaa~!

海南雞飯,喱個好出名,必食既,份量都唔少呀,個海南雞真係幾好味,肉質幾嫩滑同肥美,唔點果三色醬都好味呀,三個醬裡面比較鍾意黑豉油果個,甜甜地既幾特別,雞好味,不過個油飯仲更加出色,食落好香,飯亦軟硬適中,唔錯,至於個湯我都只係飲左少少,覺得只係咸咸地普通啦~!

咖喱牛腩,聽講幾好食就試下,個咖喱汁好香好好味又唔會好辣,配上薄餅一齊食簡直係一流,牛腩既份量唔多,食落亦唔算太淋,不過味道都唔錯~!

沙嗲配薄餅真係好好好食呀~~~!

加多加多~fd既推介必食,最初見到全部都係菜同蛋唔太吸引.不過原來好味架,主要係個加多加多醬好正,味道似沙嗲得來又有少少似花生醬,略帶點甜味既,撈埋d菜之下食落好清爽同好好味呀~!

青檸梳打唔錯既~!

綜合來講野食都幾好味~~~~~~~!

尖沙咀麼地道63號好時中心144-148號舖