龍邦燒味小廚茶餐廳 (上環)

又到Lunch 嘅時候，出去食多數都好難搵位，買外賣最實際，呢間燒味店都係經常幫襯之一，趁今次介紹下。

燒味外賣套餐，燒味飯+飲品或例湯。

因為都好多人外賣，要攞籌等，但都好快。 

叉燒油雞餐，$47。

例湯，是日係合掌瓜湯，少飲湯水嘅我一定係揀湯，好足料呢。

要了雙拼，賣相唔齊整但正嘢來，燒味份量頗多及大件，叉燒蜜汁味好濃,加上肥瘦適中,肉質鬆化又香口，好味！油雞外皮爽口入味內質嫩滑幾好味！伴上大量薑蓉，多到可撈飯食更惹味。

速食午餐之下。

上環文咸東街38號地下B號舖