しゃぶしゃぶ らつく

睇鹿之後係奈良行下同食Lunch，見到呢間天平旅館有間店食壽喜燒，本身都想搵餐壽喜燒，而加見到有又幾平就食呢間。

 

因為12:30先開，我地係第一班客，影到冇人之境。

餐牌，大家都要左牛肉壽喜燒套餐。

博多いちじく(フレーバーハイボール)，¥660，果香清新，食火鍋飲下酒最正。

牛すき焼き，¥1980，牛肉壽喜燒，用上特選國產牛里脊，鍋物有野菜及烏冬，配前菜漬物、生雞蛋及米飯，有烏冬及飯都真幾豐富。

湯底鹹甜味濃郁，甘甜美味，牛肉大片，肉質軟嫩，味道甘香肉味濃厚，沾上蛋漿更豐富。

野菜及烏冬吸收了湯底的精華，味道鮮甜入味。

甜品係抹茶雪糕，有甜品食好滿足，清香的抹茶味。

滿足的壽喜燒。