大阪之旅2024 Day5 - 定食屋 宮本むなし

今日去嵐山，食個早餐打底先，酒店樓下有間食店好方便，見大家啱食就幫襯下。

都係先買飛後入座再取餐。
方便之下一次過幫買。

朝の和定食（明太子付，620円（税込）。

有明太子就好想食，鹹鮮味香，拌飯好正，生蛋撈飯易入口，煎三文魚，外脆肉質嫩味道甘香，豆腐軟滑，重點挑機納豆(之前係香港超市買來試過好難食，唔知日本會唔會有唔同)，竟然係接受到!主要係唔臭，黏糊口感，味道苦苦地又鹹鹹地，都算幾好。

早餐之後就出發了。