成日開OT，相約同是OT之王的友人食飯吹下水，要搵開得夜嘅餐廳即想起居酒屋，友人推介一間日本料理，主打壽喜燒同時又係居酒屋，提供串燒、炸物等，位於旺角十分就腳，大家收工後一齊去把酒談歡。
餐廳以武士為主題，門面的日本武士盔甲極具霸氣。
裝潢以水泥灰牆為主色，帶點工業風格，日式燈籠裝飾及牆上浮世繪掛畫，既型格之餘又不失和風之感。
設有包廂適合大夥兒盡興。
餐牌，一場來到飲返杯，日式Cocktails & Mocktails賣相精緻但糾結揀邊杯好，店員主動介紹每杯的特質，都幾細心。
食物就想食串燒，夢見鳥個串燒組合幾吸引就揀左。
Hanabi 花火，$98。
Cocktail，浪漫紫色中暗藏閃爍，猶如星空一樣，把檸檬片加入酒裡締造漸變色彩的效果，感覺夢幻，恍如想起盛放花火，有free!味道以日本燒酎、蝶豆花、荔枝酒及椰子水而製成，清爽易入口，荔枝味香甜，隱約滲出椰子香氣，感覺fresh。
Netsui Ringo 熱情林檎，$58，友人的，試了少許，水果香氣清新。
炸帆立貝，$88。
特大帆立貝，外層酥脆，似質軟嫩鮮香幾美味。
夢見鳥，$238，以烤爐熱住保持溫度唔怕攤凍，有雞心、雞腎、雞橫隔膜、雞腿肉、雞頸肉及雞翼，每樣一串。
雞心，口感爽彈，味帶甘而不腥。
雞腎，入口彈韌有咬口。
雞橫隔膜，富性彈有嚼勁幾香口。
雞腿肉，雞肉嫩滑多汁，香口惹味。
雞頸肉，肉質鮮嫩有彈性，越食越出味。
雞翼，燒雞翼我鍾意食，皮脆肉嫩，有微微的焦香味，不俗。
牛舌，$58，口感爽脆肉味濃。
食物味道不俗，環境有氣氛坐得舒適，服務態度細心有禮，暢快之夜，下次有機試下名物壽喜燒。
旺角豉油街21C號Station 21 1樓
沒有留言:
張貼留言