Age.3

同友人係MOKO行下順便一試日本過江龍人氣即炸三文治-Age.3，Menu好吸引想試好耐，據聞忌廉採用Lakanto製作而成，賣點係天然甜味零卡路里比較輕盈，好似食左都冇咁大罪疚感ww。

位置係OKO十分方便，以外賣店來計空間算係大，有兩張枱可以立食。

開業優惠買三送一。


係Openrice寫食評可獲即炸鮮奶油三文治1份。

即睇Menu，即炸三文治口味上有鹹味、甜味，仲要有香港限定，同有水果三文治及飲品。

揀了兩個都係甜，即叫即炸三文治。

即炸開心果三文治，$38。

賣相吸引，見到開心果即吸引左試，面層佈滿開心果碎粒及莓果醬，有開心果味但唔算好濃郁，用上酸甜的莓果醬作調味，但個人覺得如果用朱古力醬會正點(雖然好甜)(同睇Menu誤會左係朱古力醬)，即炸三文治口感酥脆，內有澎湃的忌廉，份量十足，味道香甜軟滑，而甜度適中唔算太膩，但食晒成個果下真係有點滯。

即炸香港限定-杏仁豆腐芒果三文治，$38，係香港限定就支持下，杏仁豆腐冇乜杏仁味..豆腐味都微，係有忌廉的香甜味，粒粒芒果口感有點實，唔夠甜同果香味，普通。

唔知係味呢兩個口味問題，味道正常水準，以個位置來計價格尚算合理，服務態度幾好有禮貌，有興趣可一試呢。

即影。

旺角太子道西193號MOKO新世紀廣場MTR樓M41號舖