假日同友人去一間人店cafe，日本家居服品牌 gelato pique 旗下的Gelato Pique Cafe，主打可麗餅及Gelato，仲有輕食。
門面的巨型熊仔好可愛!大約12:00去到剛好開店已經有人排隊!真係太受歡迎!
去到揀左食咩先，先付款後取餐，我地2人，1人個順便去揀定位先，我地揀左吧位邊食邊睇景。
內堂位子不多，餐廳簡約設計，以淺藍及白色為調主，淺木色的枱椅，落地玻璃透射自然的光線，感覺柔和舒適。
取餐時順便去取餐具。
美式咖啡雪糕，$42，咖啡正常水準。
粉藍乳酸梳打雪糕，$46，友人的，天藍色感覺好治癒。
北海道帶子明太子意大利飯，$118，本身喜歡明太子一見到即叫要了，帶子味道鮮甜，意大利飯有咬口，醬汁豐富口感creamy，帶點明太子的鹹香，味道不俗。
蕃茄玫瑰奶油煙肉意大利麵，$118，味道酸甜濃郁，意大利麵掛汁食落口感豐富，厚切煙肉面層帶點焦脆，肉質扎實鹹香。
蘋果可麗餅(伯爵奶茶意大利雪糕及小熊曲奇)，$92，有小熊曲奇作點綴成件事可愛左，曲奇冇乜味，外層香甜煙韌幾好味，雪糕質感唔太似gelato，唔太濃稠綿密，但軟滑，有伯爵奶茶但唔算好濃郁，內有大件的蘋果肉，忌廉香甜，口感豐富。
香蕉朱古力可麗餅(配綠茶意大利雪糕及小熊曲奇)，$88，綠茶Gelato似Green Tea Latte，比較甜，香蕉朱古力呢個組合幾好味。
用餐後自己收拾返去餐具回收處。
可麗餅唔算超好食但都OK，造型可愛，熟食幾好，服務態度正常，
九龍城啟德協調道2號AIRSIDE 3樓L306-L307號舖
沒有留言:
張貼留言