叠記咖喱

難得準時收工即慶約了友人食飯，IG見到有間叠記咖喱，澳門老字號傳統咖喱，睇落幾吸引同係太子都幾就腳就試下了。

餐廳面積中等，以黑白色為主調，下雨的夜晚間店唔太多人。

餐牌，糾結梗食咩好。

祖傳澳門辣腩河，$52。

要了河粉及滷味汁，牛腩份量十足，肉質偏韌同味道唔夠濃郁，湯底好辣，但辣得來又唔夠香辣，麻麻地，河粉份量多味道普通。

咖喱五寶，秘製辣汁要了BB辣，$48，五寶係麵筋、豬皮、魚蛋、雞中翼、牛心頂，咖喱好辣但咖喱味唔濃郁，得個辣。

大大杯檸檬茶，跟餐+$12，真係好大杯，珍寶版，但點呢個係啱嘅，啲野食太辣!

係好辣但都唔係好食。

太子花園街224號地下A號舖