泰仔

假日同友人到尖沙咀行街順便食飯，大家想食泰國野，友人搵到一間泰菜-泰仔，泰國人團隊主理，見食物幾吸引即試下。

早點去食，假日18:00多去到有位即入，之後越夜越多人。
餐廳面積中等，裝潢帶點街頭風味。

餐牌，好多都想食。

酸梅可樂沙冰，$48，夏日炎炎飲可樂沙冰最爽!加埋酸梅味道酸酸地清涼又消暑。

泰式飛天炒通菜，$68，經典之選，炒通菜夠鑊氣，清脆爽口香辣又惹味。

泰式蟹肉炒飯，$138，炒飯粒粒分明，飯粒口感乾爽味道鹹香，蟹肉份量味道鮮甜。

打拋醬燒牛肉，$198，炭燒和牛扒燒得焦香，肉質軟嫩多汁牛肉味濃，沾上金不換醬更惹味。

芒果糯米飯，$78，每次食泰菜都好想食芒果糯米飯呢個甜品，芒果糯米飯，味道香甜煙韌，芒果少甜，正常水準。

泰式椰香小甜糕(2件)，$18，少許椰香，口感柔軟富彈性。

食物味道不俗。

尖沙咀亞士厘道21號地下2號舖