假日約了友人行街順便食飯，本身想食壽司郎但係有排等，周圍行下有冇其他野食，立眼見到呢間歐陸餐廳幾靚，睇餐牌又幾抵食，同好快有位即試下了。
餐廳面積寬敞，貝果及麵包的展示櫃十分搶眼，餐廳走復古風格，木質的裝潢及綠色植物的擺設，有著園林之感，充滿異國風情。
即睇有咩食，叫左前菜、沙律、主菜。
綠林與陽光(羽衣甘藍、青蘋果)，$39，個色甚有夏日之感，青蘋果味道清爽。
紅菜頭肉桂紅蘋果，$38，友人的，賣相好靚，同好大杯抵飲。
彩虹蕃茄布拉塔芝士沙律，$62，賣相色彩繽紛，本身鍾意水牛芝士蕃茄組合，味道不俗。
檸檬欖油汁慢煮八爪魚薄片，$68，八爪魚薄片口感爽口彈牙，個汁好正，有清香的檸檬味，酸酸甜甜好開胃。
慢燉紅酒牛臉頰薯仔麵糰(少辣)，$92，見薯仔麵糰幾特別即想試下，牛面頰肉軟腍又入味，少許紅酒香，手工薯仔麵糰，口感煙韌薯味濃，好味!
M6澳洲和牛扒(10安士)，$248，賣相吸引，牛扒外層焦香，肉質軟嫩牛味濃郁，美味!有酸椰菜伴食解膩。
食物味道不俗，同幾抵食，環境幾好坐得舒適同有氣氛，服務態度有禮，下次有機再食。
銅鑼灣駱克道463-483號銅鑼灣廣場二期B1樓
沒有留言:
張貼留言