三不館車仔麵 (大埔)

假日同友人行下大埔順便食飯，想起有間車仔麵好想試下即去了。
19:00時段已經有人等位，但都好快有位。

小小的店子，門店及內堂都充滿港式懷舊風味，幾有feel。

見到有豬大腸同豬手即想食。

兩餸一麵，$39，要了滷水鮮豬大腸及鮮沙薑豬手配油麵，餸的份量頗多，沙薑豬手大件，外皮爽脆肉質軟腍，沙薑味香，滷水鮮豬大腸幾入味有嚼勁，牛腩汁湯底鮮甜，油麵爽口，都不俗。

食物味道幾好，都幾抵食。

大埔廣福道88號地舖