雞記飯店 (希慎廣場)

約了友人食Lunch，今次想試下新野雞記飯店，餐廳位於希慎十分方便，紅色的門面及隻雞哥巨型公仔非常搶眼，大約12:00去到唔太多人。

餐廳內堂以紅色為主調，感覺型格，不少雞的擺設及物品，個腦海不禁響起雞，全部都係雞...。

枱面有隻尖叫雞，係用來叫侍應落單，玩味十足。

Lunch Set，想食好啲，要了$168個set:主菜+餐湯+餐飲+甜品。

Cappuccino，個杯好得意，味道普通。

老火中湯，好香的菇菌味又足料。

火炙慢煮雞叉燒滿腹飯，人氣之選，付上豆乳汁伴食，雞叉燒，外皮焦香雞肉嫩滑，食落似雞扒，有太陽蛋之下個飯口感更豐富，豆乳汁輕盈有淡淡的豆香味，伴食都不俗。

檸檬芝士蛋糕，清香的檸檬味，口感扎實，正常水準。

充滿玩味的餐廳，多打卡位，食物正常水準。

銅鑼灣軒尼詩道500號希慎廣場8樓誠品804號舖