Pier 1929

假日去美食展順便Lunch，見Pier 1929做梗 Semi-buffet Lunch，$198，半自助午餐，本身都好想試呢間海景餐廳好耐，而加見幾抵食就試下，因驚假日太多人即book定位先。

餐廳位於灣仔碼頭，必有無敵海景，門面及走廊for婚宴之用的佈景同不少打卡位，

餐廳內堂面積寬敞，空間感十足、樓底高，裝潢優雅，落地玻璃睇晒全個海景，配合柔和的自然光線，感覺relax。

自助吧，有沙律、湯、前菜、甜品、橙汁及汽水等，選擇唔算太多，但有得任食當滿足下，先拎沙律及煙三文魚。

Semi-buffet Lunch，$198，半自助午餐，一款主菜+任食沙律、湯、前菜、甜品、橙汁及汽水。
餐牌，主菜有中式又有西式，本身想叫明太子卡邦尼意粉，但當日冇明太子轉左做三文魚粒，於是轉食其他了。

是日餐湯-南瓜湯，口感稠身，味道濃郁都OK。

沙律菜都算多配料，煙三文魚正常水準。

沙茶和牛配白飯，好奇之下揀左中式，見到個賣相即好後悔...牛肉份量少，成個賣相好似人地食剩餸炒埋一碟，感覺好hea，牛肉味道普通，沙茶唔夠濃，一般，果然西諶廳唔好叫中式。

黑松露燴牛肝菌寬條意粉，友人的，賣相不俗，意粉上有芝士脆片作點綴，寬條意粉軟硬適中，有黑松露香氣味道濃郁，正常水準。

西班牙黑毛豬鞍配蘋果蓉，跟餐+$58，黑毛豬鞍大件，肉質嫩滑又香口，不俗。

是日甜品有芝士蛋糕、朱古力冬甩及布朗尼，冬甩比較好味，其他普通。

之後見到有可麗露，口感較實，仲有奶凍，正常味道。

環境必勝，食物正常水準，服務都幾好，都幾愜意。

灣仔灣仔碼頭2樓