As Usual Cafe

 

放工約了友人食飯，就腳之下係中環食，友人推介去As Usual Cafe，據聞食物不俗，一於試下，Thanks友人Book定位。

餐廳面積不大，裝潢簡潔，小擺設及盆栽的佈置有著小清新之感，暖色燈光感覺柔和，坐得舒適，加上坐正窗邊感覺更寫意。
平日的7:00去到，唔太多人。

餐牌，都幾多選擇。   

    

Matcha Latte，原價$42，跟餐半價$21，賣相有點和風之感，拉花好靚，清香的抹茶味，甜度適中。

餐湯-南瓜湯，口感稠身。

蜜糖香烤雞翼4隻，$40，味道香甜，正常水準

蔬菜可樂餅薯菠4件，$40，口感外脆香口。

香煎虎蝦蝦油闊條麵，$168，兩隻虎蝦大件爽口，醬汁豐富，闊條麵口感煙韌又掛汁，鹹鮮香味道濃郁，美味。

蟹肉甲羅燒燉飯，$188，賣相有氣勢，燉飯有咬口，味道濃郁又creamy，配合鮮香味濃的蟹肉及蟹味噌更好味。

昭和日式硬布丁，跟餐+$20，口感較紥實，微甜有蛋香。

Tiramisu，跟餐+$20，有食用花作點綴賣相精緻，Tiramisu口感軟滑，夾雜意大利手指餅口感酥脆，咖啡味濃厚微微酒味。

食物味道不俗，以地區來計價格合理，服務態度幾好，平日之夜比較寧靜，感覺自在，靜靜地食個晚飯同友人傾下計感覺Relax。

中環威靈頓街97號威利大廈2樓2D號舖