Arca Society

假日約了友人聚下，周圍都好多人，想搵個比較寧靜的餐廳，上網見到呢間餐廳環境幾好，個Tea Set以茶為主幾吸引一於試下，因為假日BOOK定安全點。

 

餐廳面積頗大，裝潢感覺溫暖柔和有家的感覺，設有露天的位置感覺幾寫意，但天氣太熱都係坐室內好點。

日本茶，本身有玄米茶、煎茶及焙茶3款選擇，但當日得兩款，揀了煎茶及焙茶。


茶香清爽。


Spring Blossom Jap-cha Arcanoon Tea，$428 for 2。  
鹹點5款，甜點4款。

香煎北海道帶子配伯爵茶油多士，帶子鮮甜。
焙茶香熏雞酥盒，入口酥脆，有微微的茶香味。
風乾火腿布里歐，正常水準。


煙三文魚三文治，餡料十足。
吉列大蝦配綠茶柚子蛋黃醬，大蝦口感香脆，伴上綠茶柚子蛋黃醬，有柚子香味清新之感。
英式鬆餅配自家製伯爵茶醬，英式鬆餅，口感鬆軟有咸香的牛油味，伯爵茶醬茶味芳香，口感軟滑，配鬆餅食幾夾。

焙茶芝士蛋糕，甜品賣相簡約不花巧，焙茶味香，口感軟滑。

伯爵茶朱古力布朗尼，朱古力味道濃郁，口感濕潤紮實。

宇治抹茶紅豆茶，有淡淡的抹茶味，輕盈之感。

食物味道不俗，環境坐得舒適，服務態度幾好有禮貌，價格合理，RELAX的一天。

黃竹坑香葉道43號雅格酒店3樓

回程見到隻野，唔以為雕像(個色仲要似菜刀)，原來係雀來wwwwww~!