廣記粥店

到了大埔睇牙醫，因為要等到下午先有得睇，清清地去食碗粥先，話時話真係好少食粥冇乜留意邊到有，忽然醒起有廣記唔知仲係唔係到，有成10年冇去，見仲係到就照去了。

假日的下午唔太多人。

餐牌，都算幾平，印象上菜乾粥幾正。

淨皮蛋粥，$20，下火之選，都幾多皮蛋，粥就唔算好綿，少許鹹。

炸腸，$14，雖然話想清清地，但都係忍唔住食炸腸，未落醬，唔算好脆同滑，正常水準。

食物幾平，味道正常水準。

大埔安慈路1號海寶花園地下13號