吃扒

假日到旺角行街順便吃扒，主打港式鐵板餐，當中人氣之一的20cm吉列豬扒好吸引，咁大件仲要唔洗一舊水好奇咩料，Lunch時段冇得Book只好照去博一鋪，去到約13:50，唔算好多人仲有位。
紫色的門面，搶眼又好靚，仲要有個打卡位，

內堂面積中等，裝潢帶有古典氣息，木枱椅、玻璃吊燈及懷舊電話等，甚有復古之感。

餐牌，都幾多選擇，當中都有生銅飲品，我們3人，叫3個餐Share食。


羅宋湯，雜菜份量適中微辣。


鐵板午餐(包餐包、湯、甜品及飲品)-精選肉眼扒，$88，一場來當然要試下鐵板燒，果然係港式鐵板餐，肉眼扒份量適中，唔算厚身，5成熟，肉質尚算軟嫩，但牛味唔算好濃，味道正常水準，薯條有部份完整有部份壓到變腍。

午餐(包湯及飲品)-20cm吉列豬扒配薯菜，$76。

熱熔芝士，+$18。





吉列豬扒真係好大件，口感鬆脆，軟嫩多汁唔鞋口，唔算好香口但味道都不俗，熱熔芝士味道唔太試芝士，味道有似乳酪帶少許酒味，唔算好漏，配合來食味道頗有特色，但真係好大件，女子要Share食先唔浪費呢。


生酮午餐(包湯及飲品)-煎三文魚柳配椰菜花飯，$78。

煎三文魚香口軟腍，椰菜花飯易入口，感覺輕盈，味道不俗。


熱咖啡，味道普通。

鐵板午餐包的雪糕，個餐有甜品食感覺滿足，加上夏日炎炎更消暑。

食物味道正常水準，都幾抵食，坐位尚算舒適，服務態度幾好，下次有機食晚餐。

旺角豉油街108地舖