假日約了友人到大埔食Lunch，夏日炎炎想搵間Cafe坐下食下野嘆下啡，揀了之前BM左好耐又未去的BOUNDLESS by REACTION。
餐廳有兩層，門面用上水泥牆身簡約又型格，內堂白牆身及木枱椅，配合玻璃窗引入的自然光線感覺柔和舒適。
我地3人坐上層，上層樓底較矮，但有個人空間感，更Relax。
餐牌，以咖啡及荷蘭鬆餅為主打。
因為太熱想要凍飲，見到張Spring Special，好吸引的特飲。
電子落單，方便，尤其係餐廳係兩層及一人之境之下更加實用。
.JPEG)
賣相精美，有清甜的菊花香味及濃郁的咖啡味，醒神清爽之感夏日之選。
Berries Cheers with Cream，$68，友人的。
煙三文魚忌廉扭紋通粉配荷蘭鬆餅，$108，賣相吸引，鬆餅口感軟腍綿密少許濕潤，甜甜地有蛋香，煙三文魚及忌廉扭紋通粉份量適中，忌廉汁味道恰到好處，扭紋通粉口感煙韌，配合脆牛蒡、洋蔥及燈籠椒等增添香口，幾好味呢。
烤焗薯荷蘭鬆餅，$83，鬆餅口感軟腍綿密少許濕潤，甜甜地有蛋香，大啡菇鮮美多汁，一片片的焗薯好有口感及好有薯味，芝士煙肉味道濃郁香口，美味。
Dirty Tiramisu After Meal，$58，人氣甜品，口感軟滑，咖啡味濃郁帶點酒香味，甜度適中。
食物水準不俗，坐得舒服，價格合理，服務態度幾好，放鬆的一天。
佢轉咗哩間我都未食過呢，個荷蘭鬆餅好吸引！
回覆刪除荷蘭鬆餅都幾好味~見網上有教點整~想試下~但好懶XD
刪除