Top Blade Steak Lab (新城市廣場)

Happy Friday，晚上約了友人到沙田新城市廣場睇燈飾，因為今次主題草泥馬~太可愛了!順便係果到食埋飯，因為一定好多人，揀定食咩book定位好點，見有Top Blade Steak Lab，出名牛扒抵食及薯仔任食，其實都唔少分店，見未食過就試下。

餐廳裝潢柔和，晚市果然好多人。

餐牌，第一次來到當然試下牛扒，平日晚市及假日全日薯條任食。

研香係Top Blade Steak Lab的副線，推出奶蓋特飲，見到係開心果好奇一試。

薯條，任食薯條，即叫即炸，幼身的薯條，香脆可口，食到有少少松露香氣，好味呀!

香草平鐵牛扒，$160，賣相十分吸引，板腱牛肉，份量適中，肉質鮮嫩鬆軟，牛味濃郁又香口，好味!配菜焗蒜都不遜色，蒜肉軟身甜甜地又香口，又唔會太重味，估唔到好味呢。


開心牛，$48，開心牛紅茶特飲，奶蓋香甜，有淡淡的開心果味，味道不俗。

檸檬蛋白撻，$48，是日甜品，因為想食甜品之下叫了，清香的檸檬味，好酸~少少甜，正常水準。

牛扒果然好味，加上薯條任食又好抵，價格親民，服務態度幾好，下次有機再食。

沙田沙田正街18號新城市廣場1期1樓108號舖