紅磡雞蛋仔

假日去睇戲，又重投寶石戲院嘅懷抱，自從疫症之後就冇去了...依然的懷舊畫飛及平價，睇完戲後尚早去了試下出名的紅磡雞蛋仔，40多年老字號，果然好多人排隊，但都唔洗排好耐就買到。

雞蛋仔、格仔餅及班戟有多款口味，揀左陣先諗到。

沙律淨芒果，$21，芒果粒份量爆多，味道香甜，配上酸酸甜甜的沙律醬味道清新，班戟口感鬆軟，有蛋香味甜甜地，好味呀!

蛋白肉鬆鹹班戟，$14，友人的，聽講幾好味。

朱古力抹茶原味雞蛋仔，$21，本身都想試呢3個味，而加一底可試齊，口感外脆內軟，原味有蛋香，抹茶淡淡地唔算好出，朱古力味突出，味道不俗。

個老闆好nice又識開笑，班戟好味，下次有機再食。

紅磡大沽街寶利閣2號舖

過時·過節。