下雨的晚上，放工約了友人食飯，友人推介PHI Coffee & Pancake，主打日式梳乎厘Pancake，都幾吸引一於試下，THANKS友人BOOK位。
餐廳面積頗大，木系為主調，四周滿佈花草的佈置，感覺自然柔和，位子寬敞，坐得舒適。
餐牌，食物都幾多選擇，除了Coffee & Pancake，仲有意粉、三文治及蛋糕等。
伯爵茶鮮奶咖啡，$42，拉花好靚，淡淡的伯爵茶香味，都不俗呢。
豆花咖啡，$52，友人的，賣相吸引。
海鮮煙肉意粉，$92，有煙肉、青口及蜆等，意粉少許鹹帶少許鮮味。
宇治抹茶紅豆梳乎厘，$112，
厚身的梳乎厘Pancake，蛋味香濃，口感鬆軟有空氣感，配料有三色丸子、蕨餅及紅豆等，份量十足，抹茶忌廉香甜，微微的抹茶味，三色丸子口感有點實味道甜甜地，蕨餅口感滑溜軟嫩有抹茶味。
有張卡可儲印花換優惠。
食物味道不俗，坐得舒適，價格合理，服務態度有禮。
漏左拎返把傘係餐廳(隔左日發現)，幸好餐廳職員留住左把傘(之後放工時去拎返)，THANKS個職員呀~~~~~!
中環士丹利街19號卡佛大廈2樓1號舖
沒有留言:
張貼留言