好耐冇去大角咀了，本身想去的餐廳竟然冇開><"!只好即搵其他野食，假日之下好多地方都FULL，上網搵到間日本野，食刺身丼同價格幾平，一於行去博下，行到去果陣時差不多兩點，唔太多人即有位坐。
.JPEG)
小小的店子，裝潢甚有和風之感，居酒屋格局，以木系為主，木架上擺放了不少經典可樂樽，搶眼的玩具模型及小飾物，牆上掛有一些舊照片、掛畫及日式掛布，帶點日本懷舊之感，燈光柔和，坐得舒適。
餐牌，食物都幾多選擇，價格合理，有LUNCH SET，幾抵食。
波子汽水，跟餐+$14。
鮮奶三文魚湯，內有海帶及熟三文魚肉，湯味道似豆乳，不俗。
沙律，有櫻花蝦增添味道。
三文魚赤蝦海膽丼，$108，刺身及醋飯份量適中，赤蝦大隻爽口，三文魚正常水準，海膽鮮甜，味道不俗。
吞拿魚三文魚油甘魚丼，$98，友人的。
帆立貝蔥粒拖羅蓉丼，$108，友人的。
醬燒廣島蠔，$68，有4件，廣島蠔都幾大粒，唔會只係得醬多，同鮮味十足，醬燒之下口感及味道更豐富，抵食之選。
厚玉子燒，$38，得兩件，太少了，蛋口感唔好滑同軟，一般。
食物幾好，價格合理，坐得舒適，服務態度親切，下次有機再戰。
大角咀鐵樹街28號富多來商場一期地舖
大角咀都多嘢食
回覆刪除係呀~~~下次再去搵野食~~~
刪除