放工約了Yan到想去好耐的百味閣食飯，感覺歷史悠久的餐廳，主打豉油西餐(港式西餐)，據聞好味又抵食，今次終於有機會去了，膽粗粗冇book位，早點去到博下，7:00前去，有位。
餐廳裝潢甚有懷舊之感，天花板的彩色玻璃、古典優雅，白牆上的舊照、枱布、藤椅及花瓶擺設，餅櫃裡的蛋糕，有種兒時的回憶呢。
餐牌，都幾多選擇，要了兩份精選套餐。
霸王花湯，西餐廳竟然有中湯，必試，難得飲下湯水，味道清甜，不俗，配蒜蓉包。
法式鵝肝牛柳"露仙尼"伴炸薯、青菜及燒汁，$188。
一場來到食個人氣之選，牛柳上放了鵝肝，好奇菜名Rossini的由來，原來以意大利歌劇作曲家Gioacchino Rossini命名，又學多樣野了~煎鵝肝香口油潤，牛柳肉質鮮嫩，肉味濃，配上濃稠的醬汁及黃芥末更美味。
焗南瓜布甸伴吉士薑汁。
有特色的甜品，微熱的布甸，入口軟腍，內有南瓜蓉，香甜的南瓜味，甜甜的薑汁味，滿足，感覺有點似焗西米布甸。
熱咖啡，正常水準。
臨走時侍應送的雪花餅，餐廳自家製，有心思呢。
獅子山下的豉油西餐，懷舊氣氛濃厚，食物味道不俗，又抵食，坐得舒適，服務態度有禮貌，下次有機要再來。
九龍塘聯合道320號建新中心地下2-4號舖
沒有留言:
張貼留言