強記美食

又到lunch時段，今日得一個人食，搵下有咩想食先，天氣涼返少許，不如去食個糯米飯，據聞強記美食的臘味糯米飯不俗(呢個真係據聞左好耐)﹐超過60多年的老店，歷史悠久，由街邊車仔檔做起再到入舖﹐深受歡迎，米芝蓮推介唔在講，仲要係良心小店，身處灣仔，冇理由唔幫襯呀。

小小的店子，主力做外賣但亦有堂食，不過位子不多，既然都來到就堂食了。

餐牌。

什錦臘味糯米飯，$39。

熱騰騰臘味糯米飯，看似細碗，實際都幾飽肚，有臘腸、膶腸、臘肉、蝦米、冬菇及蔥花等，好足料，糯米飯粒粒爽身，唔會黏埋一舊，感覺冇咁油膩，味道鹹鹹甜甜又甘香，配合埋臘腸及膶腸的油潤，味道更豐富，果然幾好味。

想食糖水，但實在太飽，只好下次了。

良心老店，值得支持。

灣仔駱克道382號莊士企業大廈地下