上次挑機激安之殿堂失敗左（實在太多人了要排隊⋯不安之殿堂です)而加過左一排應少人左，決定再挑戰，順便係尖咀食埋飯，想去的cafe full左，唔想行太遠係美麗華到搵食，揀左呢間新派泰菜，之前幫襯過青衣分店，果時係食甜品，今次係尖咀，可真正試下了，晚飯時段等位就梗，3人，大約20分鐘有位。
餐廳面積頗大，裝潢以藍白色為主，暖色的燈光，感覺柔和，坐得尚算舒適，但環境較嘈雜。
餐牌，都幾多選擇(影唔齊)，見有冬蔭功海鮮薄餅咁特別，一於試下。
石榴乳酪soda，$40，淡香的石榴味，夏天似爽呀。
提子乳酪soda，$40，田會長的。
芒果乳酪soda，$40，KING的。
椰汁雞湯，$50，椰香味濃，微辣，有菇、車厘茄及雞肉等，味道不俗。
燒菠蘿、青瓜、車厘茄沙律，$65，燒菠蘿香甜，沙律菜味道酸酸地，清新又開胃。
小食拼盤，$160，有蝦餅、雞翼、春卷、薯條及沙嗲串燒，蝦餅香脆彈牙，但蝦味不濃，雞翼及沙嗲串燒惹味，春卷味道普通。
冬蔭功海鮮薄餅，$125，薄餅厚身，海鮮足料，味道濃郁惹味，但唔多覺有冬蔭功味，亦唔太辣，如果當普通海鮮薄餅食都算好味。
食物味道不俗，價格中位，環境比較嘈，服務態度正常。
尖沙咀彌敦道132號美麗華廣場一期1樓105號舖
沒有留言:
張貼留言