誠昌飯店

到了氹仔官也街行下買手信順便食埋晚飯，晚餐都幾多選擇，但最後還是擇了食蟹粥，好耐冇食了，去到誠昌飯店，記得N年前幫襯過，果次去了分店，今次去的是老店，又懷緬一番，7點多去到，唔算太多人但都要等位，等了一會就有2人位了。

餐廳分上下層，我們坐的是樓上，裝潢簡潔，坐搭枱位，因係大枱又唔多人之下唔太擠。

餐牌，必食蟹粥，叫多個小菜。

蟹粥，$210，原隻水蟹上，微黃的蟹粥口感綿滑，蟹膏溶入粥底，有淡淡的鮮香甘甜的味道，果然幾好味，拆蟹肉有點遴迍，蟹肉唔太多，但味道不俗。

豉椒炒花甲，＄80，香口惹味。

有地道風味的一餐，食物味道不俗，下次有機再戰。

氹仔舊城區官也街28-30號