ULURU

某日經過一間店子，黑白的門面，低調卻又引人注目，即想起了韓國的黑白漫畫咖啡廳，因沒去韓國而無緣去此店一趟，正當諗如果香港都有類似的店子就好了之際，香港竟然真係有類似，機會嚟喇飛雲，即約個FD去一轉。

上到餐廳，已有打卡位，裝潢以黑白壁畫為主題的餐廳，據介紹壁畫是由一班大學生繪畫，甚有心思，牆上的壁畫作品甚有歐陸風格。

富視覺藝術感的餐枱紙。

餐牌，主打西式fusion菜，本身想食意粉，但見到All Day Breakfast竟然有腸粉！感覺好港式，仲要有埋雞蛋仔，不過上網睇到相是夾餅來，即想試下了。

南瓜湯，蒜蓉包，味道不俗。

ULURU Rose Tea，跟餐加$28，熱玫瑰花茶，本身想飲凍(因為比較出名)，但呢期想飲熱野多，碟上有玫瑰花瓣，賣相美麗又優雅，入口有玫瑰花香氣，有relax之感。

Tiramisu coffee，跟餐加$28，友人的，好可愛的小熊拉花，杯邊上有朱古力粒粒作點綴，好精緻呢。

All Day Breakfast，＄128，有香草肉腸、煙肉、幼滑炒蛋配松露醬、XO醬蝦米腸、鮮菜沙律、茄汁焗豆、炒野菌及夾餅，份量豐富，XO醬蝦米腸，腸粉皮口感較厚，煙肉、香腸正常水準，松露醬不吝嗇，炒蛋香滑，幾好味，似乎冇雞蛋仔，變了夾餅，呢個賣相感覺上既可港式又可西式，如果有埋煉奶及花生醬就似了。

Egg Benedict，＄78，要了菠菜，水波蛋及荷蘭醬可以話係Egg Benedict的精髓，水波蛋飽滿，有澎湃的蛋汁，美味，荷蘭醬不算濃稠，份量適中，幾好味。

環境有特色，食物味道不俗，服務態度親切，坐個幾舒服又可影下相，有機再去了。

灣仔春園街1-11號春暉大廈1樓