又是每月一餐的時候，友人推介了幾間餐廳，當中有The captain's house，勾起返之前對呢間 好有興趣，吸引之處是來自美國新奧爾良傳統海鮮食法-手搖海鮮，想試好耐，有諗過大時大節去，但隨著好多新餐廳及歲月之下忘記了（又會⋯藉口です）而加提起返，同大家都有興趣試下，一於去轉，thank友人book了5位。
餐廳面積不太大，裝潢以白色為主，牆上及天花板都掛不少心思擺設，坐位有點迫，但大夥人都容納到嘅，平日晚飯時段好full，建議大家book位好點。
每張枱都設有圍裙及手套。
餐牌，之前上網睇過一些推介，順便睇下仲有咩好野。
熱船長海鮮拼盤Platter B (Choose 5 options)，$548。
來得呢到，必食出名的手搖海鮮，用魚網袋盛載，感覺好似剛打撈的海鮮，上菜時，店員會主動問要唔要影相同提示大家著定圍裙，好窩心呀～之後店員會拎起袋海鮮shake shake，完成後即開動了。
我們揀了長腳蟹、扇貝、翡翠螺、虎蝦及八瓜魚仔，配料有香腸、薯仔及粟米，烚煮的海鮮，保留原此的味道夠新鮮，因大家怕辣，醬汁揀檸檬牛油汁，多了一份清新之感。
長腳蟹多肉鮮甜。
香草蒜蓉包，$55，偏軟身，香草蒜味強烈好香口，沾醬汁食一流。
路易斯安那特色蟹餅，$98。
廚師推介之一，見到係蟹餅好吸引必試，外層香脆，內裡食到一絲絲的蟹肉，味道鮮甜，幾好味呀。
克里奧爾海鮮濃湯，$85。
入口鮮香味濃郁，質感稠身，內有龍蝦、魷魚、帶子、飯粒等，份量十足，一定要share食。
忌廉炒菠菜，$78，菠菜軟身，有好多忌廉汁，口感creamy，幾好味呀。
Mid summer dream，$58，色彩鮮豔，果然有夏日之感，莓味清新。
Pink flamingo，$58，田會長的，粉紅色好靚。
食物有水準，服務態度親切有禮貌，下次有機再戰。
尖沙咀厚福街8號H8 18樓
沒有留言:
張貼留言