翰林茶館

下雨的假日，成日都係海港城行街，順便食埋晚飯，唔係太肚餓，加上又想平平地食一餐，即上網搵下有咩食，見到有間台式店子，翰林茶館，台灣過江龍，主打黑白珍珠奶茶，見珍奶，最初以為只做外賣，但見到有不少食物相有位坐就知是餐廳了，似乎岩食同平平地(以商場內既價來計)，於是就試下。

店子面積不太，食飯時段，但人唔太多，我地一行4人實有位。

餐牌，套餐可選飲品配指定小食及糖水。

熱鐵觀音奶茶+白珍珠$5，白珍珠，口感軟中帶彈牙，細細粒容易食，每啖都飲到珍珠，奶茶順滑，味道幾好，要了微糖，甜度冇咁勁。

紅燒牛腩茶麵套餐，$118。

紅燒牛腩茶麵，聽到鐵觀音茶麵，好奇咩味，以茶入饌的麵條，賣相有點似蕎麥麵，口感細滑，煙韌，味道較清香，相比其他的麵條不太油膩，湯底濃郁，牛腩及蘿蔔份量適中，牛腩夠入味，頗鬆化，正常水準。

小食，炸貢丸，每人一粒，口感彈牙，味道普通。

黑糖丸子，每人2粒，口感煙韌，味道甘甜。

食物普通，奶茶不俗。

尖沙咀廣東道3-27號海港城港威商場2樓2602號舖