女人街食飯公司

又是每月一餐的時候，同是友人生日飯，今次揀了女人街食飯公司，叫得呢個名好明顯係旺角了，夠晒就腳，主打懷舊港式小菜，友人訂了5位，8:00。

到了餐廳，龍鳳大禮堂作門面已夠晒搶眼。

餐廳面積十分寬敞，裝潢復古，牆上掛有懷舊港式霓虹招牌、門面、窗花及鐵閘，打造了70年代懷舊之感，除了裝潢及食物，還會播放懷舊金曲。

當年的理髮店，車仔麵，以收舖門面出現，再配合擺放周圍的大圓枱（唔係用七大武器之首摺櫈係用酒樓梳化椅，好坐點）有大排檔的風貌。

麗晶大賓館，又想起星爺呀。

街市海鮮檔。

餐牌。

哈爾濱啤酒，$22，飲多杯勝既。

招牌杏汁燉豬肺湯 ，$150。

好耐冇飲過湯水，呢個杏汁燉豬肺湯好得，滋潤養顏，材料十足，杏仁味恰到好處，入口甘香順滑，好美味呀。

屋村三鮮(豬生腸、鴨腎、墨魚)，$78，必食之選，豬生腸爽脆，鴨腎及墨魚味道不俗。

士多啤梨三度腩排，$108，份量太少了，味道酸酸甜甜，水準普通。

黑松露鮮蝦多士(3位)，$68，我地有5人，叫左一碟開心share ，入口香脆，蝦餡彈牙，有微微的黑松露味。

XO醬海鮮小炒皇，$108，有魷魚、蝦乾及韭菜等，蝦乾及魷魚份量適中，好惹味呀。

生炒和尚肉脆米飯，$88，個名好特別，飯炒得粒粒分明，內有肉碎及脆米，味道香口，不過個飯就比較上油。

豉椒炒大蜆，$128。

份量適中，蜆夠大粒，夠鑊氣又惹味，幾好味呀。

懷舊景有特色，食物水準幾好呀。

旺角通菜街1A-1L威達商業大廈1樓B室