又是紫色的誘惑，百樂酒店推出了紫薯tea buffet ，仲要有openrice7折優惠卷，咁抵食必試，原來都好受歡迎，book位要排到10月尾先有，果然堅呀。
下午茶自助餐時間，3:00-5:00。
原價每位$198，7折再加一$153，幾抵食呀。
內堂面積不算大，裝潢簡約，像鏡子的天花板反射出來的影像戴點夢幻，設計格局分明，座位及食物位置一目瞭然，不用轉彎抹角，適逢哈囉喂，不少嘩鬼的佈置。
冷盤，有青口、螺及蝦等。
沙律，一樣有紫薯出現。
熱盤。
主打有紫薯藜麥三文魚炒飯、紫薯藜麥薯餅及紫薯藜麥燒雞翼等。
甜品，不少以紫薯為主呢。
生果。
朱古力噴泉，見到就想玩。
粉麵位置。
有湯。
凍櫃都一樣有紫薯甜品。
飲品選擇都不少。
刺身，係角位。
為紫薯而來，第一轉已拿了紫薯的食物。
紫薯藜麥燒雞翼，賣相不俗，少少的紫薯及芝士味，雞翼味道偏淡。
紫薯藜麥薯餅 。
期待呢個，本身鍾意食薯餅，有厚厚的紫薯蓉，但紫薯味道不少突出，味道普通。
燴紫薯，明明應該係最天然，但竟然冇乜味同乾。
紫薯甜品系列，大堆頭擺埋一齊，紫色的甜品好靚呀。
紫薯忌廉筒，賣相吸引，看起來會好甜，但原來幾好味，口感酥脆似拿破侖，味道香甜，紫薯餡香滑，幾好味呀。
迷你紫薯忌廉撻，小小的一件，清淡的紫薯cream加上鮮果，味道不俗。
紫薯英式芝士餅，芝士蛋糕口感軟滑，淡淡的紫薯味，清清地唔太甜。
紫薯藍莓芝士餅，口感軟滑，淡淡紫薯味，藍莓味比較突出，清清地。
紫薯忌廉慕絲蛋糕，清淡的紫薯味，不太突出。
紫薯酥皮盒，外層酥脆，內餡是紫薯，少少鹹，味道不俗。
巨蜂提子慕絲蛋糕，有好香的巨蜂提子，味道清新。
紫薯藜麥木糠布甸，淡淡的紫薯香，唔太甜。
紫薯藜麥奶凍，口感滑溜，味道較淡。
仲有多款紫薯食品。
紫薯藜麥三文魚炒飯，有特色的炒飯，有紫薯粒、藜麥、青豆及粟米等，感覺健康，少少的紫薯味，比較清淡的炒飯。
紫薯三文治，麵包好硬，紫薯餡正常水準。
即焗紫薯鮮奶撻，至想試呢個，好濃郁的紫薯味，幾好味呀。
紫薯雞蛋仔，必食之選呀。
雞蛋仔口感香脆，每粒都有飽滿的紫薯，味道濃郁，幾好味呀。
焗紫薯田螺，紫薯味道似普通的薯蓉，田螺味道不俗。
紫薯藜麥梳乎厘。
賣相不是紫色，而是藍色，有點怪，味道甜，但冇乜紫薯味。
花螺，口感爽彈，味道不俗。
凍蝦，冇乜味道。
青口，尚算爽脆，夠新鮮。
三文魚刺身，Tea buffet有刺身食都幾好，味道正常水準。
煙鮭魚及炸三文魚，味道普通。
炒雜菇，幾好味呀。
青蘋果沙律及蕃茄芝士，正常水準。
煮蜆，賣相夠飽滿，味道鮮甜呀。
咖喱雞，味道香辣，配飯好味呀。
南瓜忌廉湯，甜甜地，幾好味呀。
朗姆酒椰子菠蘿慕絲蛋糕，淡淡的椰子菠蘿，香甜的味道。
乳酪杯，味道清淡。
飯後果。
cappuccino，食飽嘆杯啡好爽呀。
埋單有酒店送的優惠卷。
都幾多紫薯食物，有甜品又有熟食多元化，紫薯食物比想像中清淡(最初好怕太滯)，都幾好，整體食物水準普通，但有噱頭又好抵食，下次再有其他主題會照去呀。
尖沙咀漆咸道南61-65號香港百樂酒店4樓
沒有留言:
張貼留言