同友人到青衣城食飯，假日的晚上周圍都要等位，見呢間比較少人等，睇menu又幾岩食，於是等呢間了，等左15分鐘到有位了。
餐廳是型格設計，內堂面積頗大，樓底高，坐的是梳化等，都幾舒服呀。
牛的部位圖。
4 course set:有頭盤+餐湯+主菜+甜品 +咖啡或茶。
餐包，見到每枱有，但我地又遲遲未有，原來忘了比我地....麵包份量多，白色麵包口感煙韌，配上牛油更好味呀。
風乾腿配蜜瓜，頭盤，鍾情這個組合，可惜是用的蜜瓜而不是哈蜜瓜，蜜瓜味道偏淡不夠甜，風乾腿鹹香，沙律菜新鮮，味道清新。
煙三文魚沙律柚子汁，友人的。
意大利牛肝菌野菌湯，味道十分濃郁，有好香的野菌味，口感稠身，不俗呀。
烤芝士雞卷·半熟蛋·野菌意大利飯，$198，野菌意大利飯口感creamy，野菌味濃郁，芝士味份量多，雞肉惹味。
美國西北大牧場優級西冷牛扒，$288。
餐廳以牛作招牌，一於試下呢到的牛扒，外層有焦香味道，肉質鮮嫩，牛肉味濃，果然幾好味呀。
朱古力慕絲蛋糕，主廚精選甜品，口感軟滑，有好香的朱古力，唔太甜，幾好味呀。
流心朱古力蛋糕配特級雪糕，跟餐加+$25。
見到心太軟即想食，微熱的蛋糕，黑朱古力味濃郁，入面的朱古力醬不算澎湃，正常水準。
熱咖啡，正常水準。
食物味到不俗，坐得幾舒服，但價格偏貴，服務上有好多甩漏，可能是因為太多人了不夠人手。
青衣青敬路33號青衣城地下G03A號舖
沒有留言:
張貼留言