Tino's Pizza Cafe A Handmade Italian Feast

又去大埔食LUNCH,今次試下新野,去左食pizza呀,據聞是台灣引入的。 

裝潢帶點型格,紅磚及不修飾的灰牆,掛有不少關於整pizza的用具及照片,木枱及膠椅,暖色的燈光,給人一種放鬆的感覺,但不好的是,我們坐的位置,張枱有點搖搖欲墜。

即睇有咩食,要了經典雙人套餐,$198,包括一個比薩、一個沙拉、2款小食及2杯$24內的飲品。

冬方夏威夷冰茶,跟餐轉+$3,好大杯呀,味道似果茶,好清新呀。

熱檸茶。

堤諾燻雞沙拉,份量較少,沙律菜新鮮,配上橄欖油及黑醋,酸酸地幾醒胃,味道fresh。

酥炸洋蔥圈,好大件洋蔥圈,只係4件,味道普通。

香脆粟米球,外層香脆,餡似忌廉粟米湯,都幾好味呀。

義式番茄蔬菜烤鴨拿坡里比薩,pizza口感煙韌又彈牙,餡料十足,香口又好味呀。

綜合莓果甜星,跟餐+$48。

好特別的甜品,是甜pizza,口感外脆內煙韌,有少許似印度烤餅,中間餡是雜莓醬及檸檬慕絲,味道酸酸甜甜又唔漏,好味呀。

食物味道不俗,不過份量比較少,環境其實幾舒服,不過係張枱唔穩陣扣左分,店員態度有禮貌,下次有機會再食呀。

大埔8號花園地下20號舖