東歐餐廳 Ivan The Kozak

上網見到友人介紹了一間俄羅斯餐廳,食的是烏克蘭菜,從來未接觸過,感覺新奇又神秘,一於即訂座去一轉,原來就是位於中環半山扶手電梯附近的店子,因為門面十分搶眼而留下了印象呢。

走進餐廳,眼前一亮,裝潢充滿東歐傳統之感,俄羅斯娃娃、酒瓶及特色的擺設,甚有鮮明的民族色彩,連天花板也有佈置,十分有心思,感覺置身在異國一樣。

 

我們坐的位置,甚有特色,不禁不停影相。

 陶瓷燭台及餐具也十分精美。

 皮革造的MENU。

最初有點擔心睇唔明MENU,原來有中文的呢,很好呀。

Cuba libre,$65,可樂加Rum酒,夏日飲一定好爽。

番茄汁,$35,友人的。

奶油對蝦,$72,賣相好似炸蝦,外皮較厚,蝦爽口,沾上鹹鹹甜甜的醬汁,味道不俗呀。

海鮮蘑菇卷,$72。

酥脆軟身的外皮,內有蝦肉、蘑菇、紅椒及洋蔥等,餡料十足,口感豐富,味道甜甜少少辣,蠻香口呢。

招牌芝士焗牛脷盅,$78。

賣相好吸引,厚切的牛舌,口感鬆化軟腍,配上味道濃郁的芝士汁好美味,厚身的酥皮,口感較硬,食起來好似酥餅,用芝士汁伴食更好味。

俄國煮牛肝,$148,牛肝,未食過,好奇試下,份量不少呢,口感似豬潤一樣爽口滑嫩,味道帶甘,上網得知有補血之作用,一粒粒的以為是飯,原來是薯蓉呢,好美味呀。

聽說店內有個小型酒庫,臨走時好奇問了一下,老板好好人,戴我們去參觀呢。

入去見到好大樽酒,藍色的燈光,像雪地上的酒庫,擺放了不少酒類。

加上角度之下的效果。

充滿異國風情的餐廳,不論食物及環境都甚有特色,氣氛濃厚,價格合理,服務態度親切,老板會廣東話及英文,同食客也有互動,又接觸多一樣新野,好滿足的一餐呀。

中環閣麟街46-48號地下