荳子

約了Yan到PopCorn行街買聖誕禮物,順便食埋飯,即搵有咩食,見到這店有3D拉花咖啡,原來是荳子來的,之前想去荃灣果間好耐,但成日就唔到時間,趁而加可試下呀,去到果陣都幾多人要排隊,等左15分鐘就有位,都算快呀。

店佈面積頗大,樓底高,感覺寬敞,以黑灰木色為主,灰色的磚牆身,黑色的圍欄及木色的枱椅,帶點型格,店子周圍擺放了盆栽及綠草,石仔的地下,有點似花園之感呀。

即睇有咩食,2人SHARE,要了全日早餐及意粉。

為3D latte而來,不過侍應話一枱只可以整一杯,都好啦要了一杯,另一杯要了Rose latte。

等食中。

3D latte,跟餐$27,好可愛的熊仔,唔捨得整爛呀,因為多左奶泡,奶味比較重點,法式焦糖燉蛋味,比較甜,都不俗呢。

Yan的Rose latte,latte上有玫瑰花瓣點綴,帶點美感。

豪華英式早餐,$98,有窩夫、煙三文魚、煙肉、豬肉腸、蕃茄、茄汁豆、黑松露炒蛋及什菌,份量好豐富呀,我地兩個女子,要share先食得晒。

窩夫賣相好似冬甩,口感鬆軟幾好味,黑松露炒蛋幾香口,其他正常水準。 

黑松露軟殼蟹意粉,$95,賣相不俗,炸軟殼蟹香脆好味,黑松露意粉夠creamy,加上好多什菌,味道更香口,不俗呀。

山政小山園抹茶卷,甜品跟餐$25,cream好軟滑香甜,有好濃郁的抹茶味,蛋糕夠軟身,幾好味呀。

食物水準不俗,坐得幾舒服,3Dlatte有特色必試呀。

將軍澳唐賢街9號PopCorn商場1樓F95號舖