James Restaurant

係大埔行街順便食LUNCH,見到一間新開西餐廳,個門面整得幾靚,於是好奇睇下食咩。

中文是占士餐廳。

有all day breakfast & egg benedict,吸引到我了,見set I 煙肉賓尼迪+蕃茄濃湯蝸牛粉只係$78,仲免收加一,決定試下了。

裝潢帶有古典味的西餐廳,二點幾時段冇人,之後因為tea time就越來越多人。

熱咖啡,正常水準。

南瓜湯,杰杰地,南瓜味濃,不俗。

煙肉賓尼迪,賣相不太吸引,有點粗糙。

不規則的排列,感覺上餡料太小,荷蘭醬不夠多,味道上也不夠香口,整體一般呀。

沙律菜,酸酸的幾開胃。

蕃茄濃湯蝸牛粉,濃郁的蕃茄湯,杰杰地,少少酸,味道不俗。

YIN要了tea set,好抵食。

煙豬柳蛋沙律配牛角包,$33,看起來不俗。

環境坐得舒服,食物水準正常,價格尚算合理,特別是tea set較為抵食,個人覺得煙肉賓尼迪要改善少少,服務態度也很好,下次會再來試下其他。

大埔南盛街15號