名寶石餐廳

久違了的二人晚飯,約左桂去名寶石餐廳据扒,太耐冇去了,原來已裝修左。

仍然是要上樓。

裝修了之後比以前光猛左同闊絡左,好似面積大左咁呀。

來到當然必食精選套餐,正常價格。

好喜歡呢到餐包,賣相好似蛋糕,好大個,暖暖的。

濃郁的羅宋湯。

扒大蝦皇伴肉眼扒,份量好多呀。

好大塊的厚切肉眼扒,感覺好豐富,大蝦味道好香又多肉。

要了五成熟,,入面果然好生,色澤紅潤,我比較喜歡生,口感有嚼勁,肉味濃,好惹味,配上黃芥末食更加好味呀。

芒果布甸,味道正常,想起舊式餐廳的甜品是多啫喱、布甸及雪糕(呢到冇)等。

凍檸茶,食完飯之後不停吹水,最正係待應不會吹人走,任你坐到打烊,可能去得太多有限時的餐廳,有感而發。

雖然是裝修了,但也不失懷舊的感覺,可能是因為歷史悠久及地區的關係呀,不用刻意打造懷舊環境也能散發出來。

太子太子道西148號地下