HeSheEat

行行下街好想食甜品,於是提議去HeSheEat,聽講都幾出名,一於去試下有幾好食,8:00到時段去最少人呀。

係出面睇下個menu,見有HeSheEat X Levi's限定甜品,之前見華星都係,餐廳同Levi's crossover!真係幾特別呀。

水吧位。

店子有兩層,這是下層,有空間感。

樓上的環境,比較密集。

店員著的制服都係Levi's出品的圍裙,好型呀,thx個店員比我影。

\

本身唔係想要呢個,但越睇越吸引,最後都係點了。

限定綠茶心太軟配開心果碎及豆腐雪糕,$59,限定位就係多左支Levi's旗仔,豆腐雪糕及開心果碎都是獨有的。

賣相都幾吸引,本身又好like綠茶。

旗仔後面是HeSheEat店名。

暖暖的心太軟,綠茶蛋糕外脆內軟身,好濃綠茶味,少少苦帶點回甘,一刀切開,裡面的綠茶朱古力漿如火山熔岩般澎湃的流出,感覺好豐富,綠茶朱古力漿,綠茶味道濃郁,甜度適中,配上冰凍的豆腐雪糕同香口的開心果,好好味呀。`

FD的榛子朱古力心太軟,$59,都好吸引呀。

埋單時附送了兩支李施德林,感覺上賺了,而且提醒了保護牙齒。

好耐冇食過好味的心太軟,好滿足呀,而且仲要係綠茶味都咁好食更加有驚喜,甜品幾好味,環境都幾舒服,下次會再戰呀。

旺角白布街22號藝興大廈地下4號舖