Cafe Je T'aime~

4人聚會日,去了上次街坊廚神介紹的上水cafe,其實未介紹之前都聽過下喱間,有fd去過話唔錯,我地4人約左好耐先就到機會去,太好了!原來都幾多人幫襯,去到4人位已full晒,要等半個鐘先有4人位,難得來到,一定照等啦。

以白色為主,木色地板,感覺清雅,牆上除了掛畫,還畫左一幅大畫,都是以paris、love and cat為題,木書架上放滿書本、雜誌,一些古典小擺設,嘆啡睇書,有寫意的感覺。

每一個位都有好多可愛小飾物,最觸目的白色玻璃櫃,擺放了好多英式茶具,感覺高雅。

細睇,蛋糕櫃長方形橫位的畫原來係上水的街道,店主真係都每一角佈置都花左盡心思,亦有好多貓的擺設,店主一定係好鐘意貓的了。

我地4人坐的是梳化位,個位好闊絡,好舒適呀。

茶具同餐具都好靚。

blueberry cheese cake,中間多左層cream,冇咩特別,同平時blueberry cheese cake味道差唔多。

mango cheese cake,同藍莓一樣只係換左芒果,味道差唔多呀。

opera,口感有層次,濃郁黑朱古力同咖啡味,ok呀。

English rose tea,最近對玫瑰味有興趣,花茶有少少醒神用作,又清清地,都幾好,Cinnamon & apple tea,少少玉桂味,ok呀。

Earl grey latte and Roast hazelnut latte。本身都想叫coffee,不過最後都係揀左茶,欣賞下d拉花呀。

環境幾舒服,算係幾靜,不過有限時兩小時,唔夠自在,食物上比較普通,服務態度幾好呀。

上水新功街7號地下